LRT-2 may sorpresa para sa mga tatay sa Father’s Day

May sorpresang handog ang LRT line 2 sa mga tatay sa pagdiriwang ng Father’s Day sa June 16 araw ng Linggo.

Sa abiso ng LRT-2, mayroon silang treat para sa mga Daddy at bibigyan sila ng ride na naaayon para sa isang “hari”.

Hindi naman tinukoy ng LRT-2 kung anong partikular na regalo ang kanilang handog.

Ang sorpresa para sa mga tatay ay mangyayari sa Recto at Santolan Stations ng LRT-2 alas 9:00 ng umaga hanggang alas 12:00 ng tanghali at sa Cubao Station mula alas 9:00 ng umaga hanggang alas 12:00 ng tanghali at alas 3:00 ng hapon hanggang alas 6:00 ng gabi.