11 Filipino crew nakaligtas sa nasunog na oil tanker sa Gulf of Oman

Ligtas ang 11 tripulanteng pinoy ng barkong Front Altair makaraang masunog habang naglalayag sa karagatang sakop ng Gulf of Oman.

Bukod sa Filipino crew, ang oil tanker na pag-aari ng Norwegian company na Frontline ay mayroong 11 Russian crew at isang Georgian.

Ang mga tripulante ay nailigtas ng dumadaang barko at inilipat sa isang Iranian navy vessel na naghatid naman sa kanila sapinaka-malapit na pier.

May ulat na maaring isang magnetic mine ang naging sanhi ng pagsabog sa bahagi ng barko bago tuluyang masunog huwebes ng umaga, June 13.

Ang oil tanker ay may lulang 75,000 na tonelada ng naphtha oil galing ng Abu Dhabi at patungo ng Taiwan.