Dating magka-love team na sina John Lloyd Cruz at Bea Alonzo, spotted sa Palawan

By: Dona Dominguez-Cargullo - 5 years ago

Nakitang magkasama sa El Nido Palawan ang dating magka-love team na sina John Lloyd Cruz at Bea Alonzo.

Nakita ang dalawa sa isang resort sa El Nido, at ibinahagi ng isang fan ang larawan niya kasama ang dalawa.

Ang tambalan ng dalawa ay naging patok matapos ang pelikulang “One More chance” ni Cathy Garcia-Molina taong 2007.

Nasundan pa ito ng “A Second Chance” noong 2015.

Marami tuloy ang nagkomento sa larawan ng dating love team sa Instagram post hinggil sa posibilidad na may ginagawang bagong proyekto ang dalawa.