MRT-3, LRT-1, LRT 2 may libreng sakay ngayong Araw ng Kalayaan

Magbibigay ng libreng sakay ang train lines ng Metro Manila ngayong Miyerkules, June 12.

Ito ay bilang pakikiisa sa pagdiriwang ng ika-121 Araw ng Kalayaan.

Sa abiso ng Department of Transportation (DOTr), ang mga pasahero ng MRT-3, LRT-1 at LRT-2 ay makakalibre ng sakay mula alas-7:00 ng umaga hanggang alas-9:00 ng umaga at alas-5:00 ng hapon hanggang alas-7:00 ng gabi.

Samantala, sinuspinde rin ng Metropolitan Manila Development Authority (MMDA) ang number coding ngayong araw.