PNP: Higit 6,000 lumabag sa gun ban kasabay ng election period

By Angellic Jordan June 12, 2019 - 01:56 AM SHARE(S):

Umabot sa kabuuang 6,284 ang bilang ng mga naarestong lumabag sa gun ban sa kasagsagan ng election period, ayon sa Philippine National Police (PNP).

Naitala ng PNP ang datos mula January 13 hanggang June 9.

Maliban dito, nakumpiska ang 5,242 na armas at 49,859 na iba pang deadly weapon sa nasabing panahon.

Ito ay resulta ng mga ikinasang buy-bust at checkpoint operation sa bisa ng search at arrest warrant.

Sa press briefing sa Camp Crame, nagpasalamat si PNP spokesman Col. Bernard Banac sa naging kooperasyon ng publiko sa mga otoridad.

Nagsimula ang election period noong January 13 at nakatakdang magtapos ang gun ban ngayong Miyerkules, June 12.

Oras na matapos ang election gun ban, maaari nang magdala ang mga may-ari ng baril ng armas sa labas ng kanilang bahay basta’t balido ang kanilang permit to carry firearms.

 

 

TAGS: baril, buy bust, checkpoint, Col. Bernard Banac, election period, Gun ban, lumabag, May 13 elections, permit to carry firearms, PNP, baril, buy bust, checkpoint, Col. Bernard Banac, election period, Gun ban, lumabag, May 13 elections, permit to carry firearms, PNP

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.