SEC kakasuhan ang mga opisyal ng Kapa Ministry kaugnay ng P50B investment scam

By Len Montaño June 11, 2019 - 04:45 AM

Magsasampa ang Securities and Exchange Commission (SEC) ng kasong kriminal laban sa mga opisyal ng Kapa Ministry International dahil sa umanoy investment scam na nagkakahalaga ng P50 bilyon.

Kasabay ito ng utos ni Pangulong Rodrigo Duterte na shutdown sa operasyon ng Kapa.

Ayon kay SEC chairman Emilio Aquino, dati ay nag-alangan ang ahensya na aksuyunan ang Kapa dahil nag-ooperate ito bilang religious organization.

Pero ngayon ay desidido na ang SEC na kasuhan ang mga opisyal ng Kapa.

Samantala, sinalakay ng otoridad ang bahay ng founder ng Kapa Ministry sa General Santos City.

Ang raid sa bahay ni Kapa founder Joel Apolinario ay kasabay ng pagsalakay ng National Bureau of Investigation (NBI) at Criminal Investigation and Detection Group (CIDG) sa tanggapan ng grupo sa Tagum at General Santos.

Una nang sinabi ng Pangulo na nakatanggap siya ng mga reklamo laban sa Kapa kaya inutos niyang ipatigil ang operasyon nito.

TAGS: CIDG, investment scam, kakasuhan, Kapa founder Joel Apolinario, Kapa Ministry, NBI, P50B, Raid, SEC, shutdown, CIDG, investment scam, kakasuhan, Kapa founder Joel Apolinario, Kapa Ministry, NBI, P50B, Raid, SEC, shutdown

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.