Kinumpirma ni Justice Sec. Menardo Guevarra na nasa custody na ng National Bureau of Investigation (NBI) ang may-ari ng WellMed Dialysis Center na si Brian Sy.
Ang WellMed ay naunang nasangkot sa dialysis scam makaraan umanong maningil ng kabayaran sa Philippine Health Insurance Corp. (Philhealth) kahit namatay na ang ilan sa kanilang mga pasyente.
“I have been informed that Mr. Sy has been held and will be brought for inquest proceedings immediately,” ayon kay Guevarra.
Ipinaliwanag rin ni Guevarra na inihahanda na ang mga kasong posibleng kaharapin ng mga sangkot sa kidney treatment scam.
Nauna dito ay personal na inatasan ng pangulo ang mga concerned government agencies na hulihin ang may-ari ng WellMed dahil sa nasabing kontrobersiya.
Kanila ay pinagsumite na rin ni Duterte ng courtesy resignation ang mga opisyal ng Philhealth sa pangunguna ng kanilang pangulo at CEO na si Roy Ferrer.
Sinabi ng pangulo na hindi niya papayagan na manatili ang mga katiwalian sa mga ahensya ng pamahalaan.