Pitong senador, perfect attendance sa 3rd regular session ng 17th Congress
Nakapagtala sina Senate President Vicente “Tito” Sotto III at Senador Panfilo “Ping” Lacson ng perfect attendance sa 61 na plenary session ng 3rd regular session ng 17th Congress.
Sa inilabas na pahayag ng Senado, wala ring absent ang dalawang senador sa buong 17th Congress kasama ang 1st at 2nd regular session taong 2016 at 2017.
Present din ang limang iba pang senador sa lahat ng plenary session ng 3rd regular session mula July 23, 2018 hanggang June 4, 2019.
Kabilang dito sina Senate Majority Leader Juan Miguel “Migz” Zubiri, Senate Minority Leader Franklin Drilon, Gregorio Honasan, Joel Villanueva at Aquilino “Koko” Pimentel III.
Hindi rin nakapagtala sina Sotto, Zubiri, Lacson at Honasan ng tardiness.
Samantala, isang sesyon lamang ang hindi nadaluhan ni Senador Nancy Binay dahil sa isang official mission sa ibang bansa.
Sina Senador Sherwin Gatchalian, JV Ejercito at Cynthia Villar naman ay nakadalo sa 58 na sesyon.
Narito ang attendance ng iba pang senador para sa 3rd regular session ng 17th Congress:
– Senador Risa Hontiveros (57 na sesyon)
– Senador Antonio Trillanes IV (57 na sesyon)
– Senador Sonny Angara (56 na sesyon)
– Senador Grace Poe (56 na sesyon)
– Senador Loren Legarda (56 na sesyon)
– Senate President Pro-Tempore Ralph Recto (55 na sesyon)
– Senador Francis “Chiz” Escudero (55 na sesyon)
– Senador Richard Gordon (54 na sesyon)
– Senador Bam Aquino (50 na sesyon)
– Senador Emmanuel “Manny” Pacquiao (49 na sesyon)
– Senador Francis “Kiko” Pangilinan (47 na sesyon)
Hindi naman nakadalo si Senadora Leila De Lima ng kahit isang plenary session dahil sa pagkakakulong.
Matatandaang nag-adjourn ang 17th Congress noong June 4.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.