Babae natagpuang patay sa Quezon City

Patay sa pananaksak ang isang 18 anyos na babae sa Payatas, Quezon City.

Natagpuan ang bangkay ni Allison Dacillo sa loob ng bahay nito na may tatlong saksak.

Ayon kay Lt. Col. Joel Villanueva, hepe ng Quezon City Police District Station 6, nadiskubre ang bangkay ng biktima dahil sa masamang amoy mula sa bahay nito,

Huling nakitang buhay si Dacillo Biyernes ng tanghali.

Nabatid na mag-isang nakatira sa bahay ang biktima dahil nasa ibang bansa ang mga magulang nito.

Sa inisyal na imbestigasyon, posibleng pinasok ang bahay ng biktima habang natutulog ito.