Warriors investor Mark Stevens pinatawan ng 1-yr ban ng NBA dahil sa pagtulak kay Kyle Lowry ng Raptors

Isang taon na hindi pwedeng manood ng NBA games at dumalo sa iba pang aktibidad ng koponan na si Mark Stevens na isa sa investors ng Golden State Warriors.

Ibinaba ng pamunuan ng NBA ang desisyon laban kay Stevens matapos ang insidente ng pagtulak nito kay Toronto Raptors guard Kyle Lowry sa Game 3 na ginanap kahapon.

Maliban sa 1-year ban inatasan din si Stevens na magbayad ng $500,000.

Si Stevens ay inireklamo ni Lowry dahil sa pagtulak sa kaniya at pagsasalita ng hindi maganda.

Agad namang humingi ng paumanhin si Warriors Coach Steve Kerr kay Lowry at sa Raptors.