17 patay; 5 sugatan sa bus accident sa Dubai

Patay ang labingpitong katao habang sugatan ang 5 iba pa makaraang maaksidente ang sinasakyan nilang bus sa Dubai, Huwebes (June 6) ng hapon.

Sa tweet ng Dubai Police, sakay ng bus ang 31 katao nang bumangga ito sa isang traffic signal malapit sa metro station.

Sinabi ng pulisya na may iba’t ibang nationalities ang mga nasawi.

Marami sa sakay ng bus ay magpapamilya.

Galing umano sa Oman ang mga sakay ng bus na nagdiwang doon ng Eid Holidays.