Asia’s Got Talent 2015 finalist Gerphil Flores nagtapos sa University of British Columbia
Nagtapos na sa University of British Columbia ang Pinay na si Asia’s Got Talent 2015 finalist Gerphil Flores.
Ibinahagi ni Flores ang kaniyang larawan suot ang toga at nakasaad sa caption na isang bagay na natutunan niya sa kaniyang buhay ang “hindi dapat mapagod na matuto”.
Aniya nagpasya siyang mag-aral muli matapos magtapos ng bachelor’s degree in Music sa UP Diliman noong 2016.
Nag-apply siya sa kaniyang dream school na University of British Columbia at masweteng natanggap.
Sinabi ni Flores na ninais niyang matutunan ang malawak na Art History ng musika, painting, sculpture, architecture, at photography kaya muli siyang nag-aral.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.