Publiko binalaan ng FDA sa pagbili ng 10 cosmetic products na may mercury

Naglabas ng health warning ang Food and Drug Administration (FDA) upang mabalaan ang publiko sa pagbili ng cosmetic products na mapanganib sa kalusugan.

Sa report ng ASEAN Post-Marketing Alert System (PMAS) 10 cosmetic products ang napag-alamang nagtataglay ng ammoniated mercury at mapanganib na mga kemikal.

Ang mga naturang produkto ay ang mga sumusunod:

B Plus Miracle Gold Cream

Madame Organic Whitening Arbutin

Herbal Turmeric Herbal Cream

Melusma Melasma Brightening Cream

Beuty 3 Night Cream

BeQuala Beauty Quality Lab

Ozzy Mask

Polla Gold Super White Perfects

O-Ping Wink Winner Ping Whitening Cream

Myrina Night Cream

Ayon sa FDA, hindi sumunod sa technical standards na itinakda ng ASEAN Cosmetic Directive (ACD) ang sampung produkto dahil nagtataglay ang mga ito ng ingredients na hindi pinapayagang maisama sa isang cosmetic product.

Iginiit ng ahensya na ang mercury ay mapanganib sa kalusugan kahit sa maliit na amount.

Ang taong expose sa mercury ay posibleng magtamo ng pinsala sa kidney, skin rashes, skin discoloration, scarring at mababawasan ang resistance ng balat sa bacterial at fungal infections

May epekto rin sa mga buntis ang mercury kung saan posible itong mailipat sa kanilang mga dinadalang anak na posibleng magresulta ng neurodevelopmental deficit sa bata.

Hinimok ng FDA ang publiko na ipagbigay-alam sa kanila kung makakakita ng mga nasabing produkto.

 

TAGS: ASEAN Cosmetic Directive, cosmetic products, FDA, health warning, mercury, technical standards, ASEAN Cosmetic Directive, cosmetic products, FDA, health warning, mercury, technical standards