Grab driver at anak nito sugatan sa pamamaril sa Las Piñas City

By Clarize Austria June 05, 2019 - 11:44 PM

Sugatan ang mag-ama ng binaril sa bahagi ng Doña Manuela Avenue sa Las Piñas City bandang alas 3:45 Miyerkules ng hapon.

Nabaril si Marlou Baisa, 53 anyos na Grab driver at anak nitong si Justine Baisa, 23 anyos.

Ang suspek naman ay nakilalang si Akmad Abubakar, 38 anyos at isang caretaker.

Ayon sa paunang ulat, nagkainitan sa kalye ang dalawang kampo nang biglang bumunot ng baril ang suspek at pinaputukan ang mag-ama.

Nakatakas ang suspek matapos nitong tumakbo.

Dinala ang dalawang biktima sa University of Perpetual Help Hospital upang bigyang lunas.

Nagkasa ng follow-up operation ang pulisya upang hanapin ang nagtatago ngayong suspek.

 

TAGS: away-kalye, GRab Driver, las pinas, Pamamaril, sugatan, away-kalye, GRab Driver, las pinas, Pamamaril, sugatan

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.