Arestado ang limang drug suspect sa ikinisang buy-busy operation ng mga otoridad sa Valenzuela.
Ayon sa Valenzuela Police Drug Enforcement Unit, isinagawa ang operasyon sa Felix Ville Subdivision sa Dalandanan, Valenzuela City, bandang 12:05, Miyerkules ng madaling araw (June 5).
Nakilala ang mga suspek na sina Victor Guevarra De Jesus, 48-anyos; Danilo Prado Aload Jr, 41-anyos; Rodrigo Minoz Sising, 50-anyos; Argienel Baron Compasion, 26-anyos; at Marlin Bade Gonsalez, 49-anyos.
Nakuha sa mga suspek ang tatlong selyadong maliliit na pakete na naglalaman ng hinihinalang shabu, P200 na buy-bust money at P300 na cash.
Nahaharap ang mga suspek sa kasong paglabag ng Republic Act 9165 o Comprehensive Dangerous Drugs Act of 2002.
Dinala ang limang drug suspek sa Valenzuela Medical Center para sa medical examination at dadalhin din sa Valenzuela City Police station.