Arestado ang pitong menor de edad na hinihinalang magnanakaw sa Ramon, Isabela.
Sa ulat ng pulisya, nakilala ang lider ng grupo na si Aaron Biag, 18-anyos.
Nasa edad 14 hanggang 17 naman ang mga kasamahan nito.
Ayon kay Capt. Frances Littaua, tagapagsalita ng Isabela police, pumasok ang mga suspek sa likod na gate ng Petines Sari-Sari Store at Flea Market noong June 3.
Sinira rin umano ng mga suspek ang bintana ng mga nasabing tindahan.
Ayon sa mga imbestigador, ginamit ng mga suspek ang nanakaw na pera sa pagbili ng kanilang mga cell phone.
Narekober sa mga suspek ang nasa P120,000 na cash.
Inamin naman ng isa sa mga suspek ang pagkakasangkot sa krimen dahilan para mahuli ang ilang kasamahan nito. / Angellic Jordan
MOST READ
LATEST STORIES