Paglipat bakod pinabulaanan ni Shaina Magdayao
Itinanggi ni Shaina Magdayao ang mga ispekulasyong lilipat na siya ng TV network.
Sa panayam ng reporters para sa press conference ng kanyang IWant digital series na “Past, Present, Perfect”, sinabi ni Magdayao na siya ay nananatiling Kapamilya.
Pinasalamatan ni Magdayao ang ABS-CBN dahil dito lumago ang kanyang karera at gayundin ay pinasalamatan ang GMA dahil doon anya siya nagsimula.
Sinabi naman ng aktres na kung sakaling may alok sa kanya na lumipat ay ipagbibigay-alam naman niya ito.
Sa ngayon anya ay walang paggalaw na nangyayari at nananatili siya sa ABS-CBN lalo’t katatapos lamang ng kanyang proyekto para sa network.
Mayroon namang bagong offer ang Kapamilya Network para sa renewal ng contract ni Magdayao ngunit hindi pa anya niya ito maasikaso dahil sa dami ng kanyang trabaho.
Dahil sa dami ng nagaganap sa kanyang karera, wala anya siyang magawa kundi pasalamatan ang Panginoon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.