5 arestado sa buy-bust sa Makati

Arestado ang limang drug suspects sa ikinasang buy-bust operation ng mga otoridad sa Makati City.

Kinilala ng Makati Police Department ang mga suspek na sina Jericho Arriola, 33; Jose Bustamante, 52; Joedel Ortega, 31; Juanito Rosario, 32; at Kenny Yongco, 27.

Nadakip ang lima sa tatlong magkakahiwalay na operasyon sa Barangay West Rembo.

Aabot sa 82 sachet ng hinihinalang shabu ang nakumpiska ng mga otoridad.

Mahaharap sa kasong paglabag sa Comprehensive Dangerous Drugs Act of 2002 ang mga nadakip.