Taxi nasunog sa EDSA-Shaw; daloy ng trapiko sumikip

Isang taxi ang nasunog sa bahagi ng EDSA-Shaw underpass Linggo ng gabi.

Nagdulot ng pagsikip sa daloy ng trapiko ang naturang insidente na ayon sa Metropolitan Manila Development Authority (MMDA) ay kumain ng isang lane.

Sa videos na iniupload ng netizens sa Facebook, makikita ang malakas na pagliyab ng taxi na may plakang UWL 951.

Patuloy na inaalam ang sanhi ng pagkasunog ng sasakyan.