Militar mas palalakasin ang opensiba vs. terrorist groups sa Sulu

Wala ng dahilan ang militar para hindi ituloy ang kanilang mga opensiba laban sa Abu Sayyaf Group sa Sulu ngayong wala nang hawak na sibilyan ang mga ito.

Sa isang panayam, sinabi ni Armed Forces’ Western Mindanao Command spokesperson Colonel Gerry Besana na paiigtingin na ang pagsugpo laban sa ASG.

Nilimitahan umano ang mga operasyon laban sa teroristang grupo dahil sa mga hawak nitong bihag.

Magugunitang napatay ng isa sa mga terorista ang Dutch photographer na si Ewold Horn na binihag taong 2012.

Ayon kay Besana, si Horn na ang huling banyaga na nabihag ng ASG.

Bilang bahagi ng opensiba, nakikipag-ugnayan na rin ang AFP sa mga militar ng Indonesia at Malaysia para tiyakin ang pagbabantay sa mga borders sa pagitan ng tatlong bansa.

Nasa higit 200 pa umano ang miyembro ng ASG sa Sulu ayon kay Besana.