5 dayuhan na sangkot sa bentahan ng droga ipinarada ng Indonesian police
Arestado ang isang Amerikano, dalawang Espanyol at dalawang Russian na sangkot sa pagbebenta ng cocaine sa Bali, Indonesia.
Ipinarada ng Indonesian police ang mga dayuhang drug suspect bago isalang sa isang press conference kahapon, araw ng Biyernes (May 31).
Ayon kay Denpasar police chief Ruddi Setiawan, naganap ang unang pag-aresto noong May 20 kung saan nahuli ang isang Russian man na nakikipagnegosasyon gamit ang telepono para magbenta ng cocaine.
Pawang mga turista rin ang target ng suspek.
Mahigpit ang drug laws sa Indonesia at dose-dosenang drug smugglers ang nasa death row sa kasalukuyan.
Huling nagbitay ang Indonesia ng drug suspects noong July 2016 kung saan pinatay sa pamamagitan ng firing squad ang isang Indonesian at tatlong banyaga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.