Arestado ang apat na tricycle driver sa buy-bust operation ng pulisya sa Brgy. Batasan Hills, Quezon City, Biyernes ng madaling-araw.
Ayon sa Batasan Police, target ng operasyon si alyas Edgardo habang aminado ang tatlong iba pa na naaresto na sina alyas Dexter, alyas Maximo, at alyas Elvin na gumagamit sila ng droga.
Positibong nakabili ng P200 na halaga ng shabu ang poseur buyer mula kay alyas Edgardo.
Gayunman, nangyari ang bilihan ng droga sa bahay ni alyas Dexter kung saan natyempuhan din ang iba pang suspek.
Ayon sa pulisya, mga parokyano lamang ni Edgardo ang tatlo.
Nakuha mula sa mga suspek ang pitong sachet ng hinihinalang shabu na tinatayang nagkakahalaga ng P8,000.
Pinabulaanan naman ng apat na may drogang nakuha mula sa kanila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.