2 magkahiwalay na lindol naitala sa Eastern at Northern Samar

Naitala ang dalawang pagyanig sa Eastern at Northern Samar Huwebes ng madaling araw.

Ayon sa Phivolcs, unang tumama ang magnitude 3.4 lindol sa 11 kilometro Timog-Kanluran ng Taft, Eastern Samar alas-2:15.

May lalim itong 58 kilometro.

Naitala ang instrumental intensity I sa Borongan City, Eastern Samar.

Makalipas ang isang oras o eksakto alas-3:15 ng madaling araw, magnitude 3.4 na lindol din an tumama sa 111 kilometro Hilagang-Silangan ng Palapag, Northern Samar.

May lalim itong 35 kilometro.

Tectonic ang pinagmulan ng nasabing mga pagyanig.

Hindi naman nagdulot ang mga ito ng pinsala sa mga ari-arian at wala ring inaasahang aftershocks.