DepEd patuloy ang pagtanggap sa Balik-Eskwela concerns

Ilang araw bago ang pagsisimula ng Taong Panuruan 2019-2020, patuloy na nakatatanggap ang Department of Education (DepEd) ng mga tanong at reklamo tungkol sa pasukan.

Ayon sa datos mula sa DepEd, nakatanggap na ng 832 balik-eskwela concerns ang kanilang Public Assistance Command Center (PACC).

Sa bilang na ito ay 739 umano ang naresolba hanggang Miyerkules ng umaga.

Karamihan umano sa mga concerns ay tungkol sa Senior High School (SHS) Program, enrollment, school policy and operations, DepEd programs, examinations, resources at facilities at iba pang legal matters.

Ang PACC ay operational hanggang June 7 upang tugunan ang mga problema at hinaing sa muling pagbubukas ng klase.

Maaaring tumawag ang publiko sa mga sumusunod na hotlines:

636-1663

635-9817

638-7530

633-1942

638-8641

638-7529

634-0222

Pwede ring magpadala ng mensahe sa pamamagitan ng social media accounts ng DepEd o hindi kaya ay tumungo sa central office ng kagawaran sa Pasig City.

Sa Lunes, nakatakdang bisitahin ni Education Secretary Leonor Briones ang ilang mga paaralan para tingnan ang sitwasyon sa muling pagbubukas ng klase.

 

 

TAGS: balik eskwela, deped, Education Secretary Leonor Briones, enrollement, enrollment, Public Assistance Command Center, reklamo, Senior High School., balik eskwela, deped, Education Secretary Leonor Briones, enrollement, enrollment, Public Assistance Command Center, reklamo, Senior High School.