Tinuldukan ng aktres na si Aiko Melendez ang isyu na hiwalay na sila ng boyfriend na si Subic Mayor Jay Khonghun.
Ayon kay Aiko, “stronger together” pa rin sila ng kanyang kasintahan.
Bilang patunay ay ibinahagi ng aktres ang larawan ni ni Khonghun habang sila ay nasa La Vegas.
Nilagyan niya ito ng caption na sa gitna ng mga pasubok at hamon ay sila pa rin ng alkalde.
Una nang itinanggi ni Aiko ang tsismis na pinaalis siya ng boyfriend sa bahay nito sa Subic.
Katwiran ng aktres, tumira lang siya ng mahigit isang buwan sa bahay ni Khonghun para tulungan ito sa kampanya pero kailangan na niyang bumalik sa kanyang bahay kasama ang mga anak.
Aminado naman si Aiko na may maliliit silang mga away ng kasintahan, karamihan ay dahil sa selos.
Bago dito ay pinalagan ng aktres na kabit lamang siya ni Khonghun.