Japanese namatay sa eroplano matapos lumunok ng 246 bags ng cocaine

Natagpuan ang 246 bags ng cocaine sa tiyan at bituka ng isang lalaking Japanese na nasa isang flight mula Mexico patungong Japan.

Ayon sa pahayag ng Mexican officials araw ng Lunes (May 27), lumalabas sa autopsy na nilunok ng 42-anyos na lalaki ang bags ng cocaine.

Namatay ito sa cardiac arrest dahil sa drug overdose.

Ilang sandali matapos ang takeoff eroplanong sinasakyan ng biktima ininda nito ang sakit na nararamdaman.

Nag-emergency landing ang eroplano sa isang airport sa Sonora, Mexico ngunit dead-on-arrival agad ang lalaki.

May habang 2.5 centimeters at lapad na 1 centimer ang plastic bags na natagpuan sa tiyan ng Japanese.

Patuloy na iimbestigahan ng federal authorities ng Mexico ang insidente.