PRC: 2 DLSU-Manila grads nanguna sa May 2019 CPA licensure exams
Nanguna ang dalawang graduates ng De La Salle University (DLSU) – Manila sa May 2019 Certified Public Accountant licensure examinations.
Ayon sa Professional Regulation Commission (PRC), 1,699 lamang sa kabuuang 10,319 na kumuha ng pagsusulit ang nakapasa o katumbas ng 16.42 percent na passing rate.
Top 1 sa pagsusulit sina Josemaria Alvaro Cabarrus Fontillas at Geraldine Jade Frayco Papa na nakakuha ng 89.83 percent.
Samantala, kumumpleto sa Top 10 ang alumni mula sa University of Mindanao-Davao City, Saint Joseph’s College-Maasin, La Consolacion College-Manila, Polytechnic University of the Philippines – Sta. Mesa, Central Mindanao University, University of San Jose-Recoletos – Cebu City, Saint Paul School of Professional Studies – Palo, Garcia College of Technology, Philippine School of Business Administration-Manila, University of Cebu sa Lapu-Lapu and Mandaue at Ateneo de Davao University.
Ayon sa isang review center, ang passing rate ng May 2019 CPA board exams ay ang pinakamababa simula taong 2007. 
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.