150,000 na pulis ipakakalat sa buong bansa sa pagbubukas ng klase sa June 3

Aabot sa 150,000 na pulis ang ipakakalat sa buong bansa sa pagbubukas ng klase sa June 3, 2019.

Ayon sa Philippine National Police (PNP), bahagi ito ng kanilang Ligtas Balik Eskwela.

Sa nasabing bilang, 6,000 ang ipakakalat sa Metro Manila.

Partikular na babantayan ng pulisya ang mga kriminal na mananamantala sa pagbubukas ng klase at terroristic incidents na maaring tumarget sa general public kabilang na ang mga mag-aaral, guro at magulang.

Sa datos ng DepEd mahigit 27 milyong estudyante ang magbabalik-eskwela sa pagbubukas ng school year 2019-2020.