General Luna, Surigao del Norte niyanig ng lindol

Niyanig ng magnitude 3.2 na lindol ang bayan ng General Luna sa Surigao del Norte.

Naitala ang pagyanig alas 8:44 ng umaga ng Lunes, May 27 sa 25 kilometers northeast ng General Luna.

14 kilometers ang lalim ng lindol at tectonic ang origin.

Ayon sa Phivolcs ang naturang pagyanig ay aftershock ng magnitude 5.5 na lindol sa Surigao noong April 26.

Samantala, alas 8:47 naman ng umaga nang tumama ang magnitude 3.0 na lindol sa San Isidro, Surigao del Norte.

Kapwa naman hindi inaasahang magdudulot ng pinsala ang dalawang pagyanig.