Mga pahayag ni ‘Bikoy’ magagamit sa imbestigasyon ayon kay Eleazar

By Clarize Austria May 26, 2019 - 01:56 PM

Magagamit sa imbestigasyon ang mga pahayag pati na rin ang mga kasinungalingan ni Peter Joemel Advincula o alyas “Bikoy” ayon kay National Capital Region Police Office (NCRPO) chief Police Major General Guillermo Eleazar.

Ayon kay Eleazar, maaring may mapulot rin sa mga kasinungalingang sinasabi ng nasa likod umano ng “Ang Totoong Narcolist” videos.

Maaring magturo ito sa kung sino ang nagtutulak sa mga ginagawa ni Advincula na inaagaw na ang pansin ng gobyerno, publiko, at ng media.

Dinepensahan naman ni Eleazar ang pagpayag ng Philippine National Police (PNP) na magsagawa ng press conference si Advincula sa Camp Crame at sinabing nais lamang anila na malaman kung sino ang nasa likod ng isyung ito.

Kahapon ay tuluyang nakalabas si Advincula mula sa Camp Crame matapos bumuti ang pakiramdam at makapagpyansa para sa kasong estafa at illegal recruitment.

Hindi na rin umano kailangan bantayan si Advincula ayon kay PNP Criminal Investigation and Detention Group (CIDG) National Capital Region (NCR) chief Police Lieutenant Colonel Arnold Ibay.

TAGS: National Capital Region Police Office (NCRPO) chief Police Major General Guillermo Eleazar, Peter Joemel Advincula o alyas "Bikoy", PNP Criminal Investigation and Detention Group (CIDG) National Capital Region (NCR) chief Police Lieutenant Colonel Arnold Ibay, National Capital Region Police Office (NCRPO) chief Police Major General Guillermo Eleazar, Peter Joemel Advincula o alyas "Bikoy", PNP Criminal Investigation and Detention Group (CIDG) National Capital Region (NCR) chief Police Lieutenant Colonel Arnold Ibay

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.