Mga pasahero sa Mexico may solusyon laban sa mga ‘Bandidos’

May solusyon ang mga pasahero ng bus sa Mexico sa nangyayaring pagnanakaw, ito ay ang pagbili ng mga pekeng cell phones o dummy phones.

Ang mga dummy phones na mukhang totoong cell phones ay nagkakahalaga ng P300 hanggang P500 o $15 hanggang $ 25 na maaring ibigay ng biktima sa mga magnanakaw.

Epektibo ang mga dummy phones sa panlilinlang sa mga masasamang loob na regular na umaatake sa mga bus, maliit man o malaki.

Maraming kaso ng pagnanakaw sa bus ang nakukuhanan ng mga bidyo ng mga camera araw-araw.