Bata sugatan sa sunog sa Valenzuela

(UPDATE) Isang 2 anyos na batang babae ang nasugatan sa sunog sa Elysian Subdivision sa Barangay Marulas, Valenzuela araw ng Biyernes.

Dinala ang bata sa Karuhatan General Hospital dahil sa tinamong first degree burn sa kaliwang paa nito.

Nagsimula ang apoy sa ikalawang palapag ng bahay ng isang Eduardo Plaza alas 6:30 ng gabi.

Ayon kay Valenzuela City Fire Senior Insp. Noel Dulin, mabilis na kumalat ang apoy sa iba pang bahay.

Alas 7:00 ng gabi ay umabot sa 3^rd alarm ang sunog at tuluyang naapula alas 9:00 ng gabi.

Patuloy ang imbestigasyon sa dahilan ng sunog at halaga ng naabong ari-arian.