Malakas na pag-ulan asahan sa Metro Manila at mga kalapit na lalawigan – PAGASA

Asahan ang malakas na pag-ulan na may kasamang pagkulog at pagkidlat ngayong hapon, May 24, 2019.

Sa inalabas na thunderstorm advisory ng PAGASA ala 1:10 ng hapon, makakaranas ng malakas na pag-ulan ang iba’t ibang bahagi ng Metro Manila at mga kalapit probinsya na Cavite, Batangas, Zambales, at Quezon sa susunod na dalawang oras.

Makakaranas din ng parehong lagay ng panahon ang mga probinsya ng Tarlac, Nueva Ecija, Bataan, Pampanga, Bulacan, Laguna, at Rizal.

Pinag-iingat ang mga residente sa mga nabanggit na lugar sa banta ng pagbaha at landslides dulot ng pag-ulan.