3 timbog sa buy-bust operations sa Maynila at Quezon City

By Rhommel Balasbas May 24, 2019 - 04:30 AM

Naaresto ang tatlo katao sa magkahiwalay na buy-bust operations sa Maynila at Quezon City.

Sa Binondo, timbog sina alyas ‘Toytoy’ at alyas Trixie kaninang hatinggabi.

Ayon kay Pol. Corporal Arvin Bautista ng Binondo Police, nabilhan ng poseur buyer ang dalawang suspek ng P500 halaga ng shabu sa operasyon sa Claro M. Recto Avenue.

Nakuha mula sa dalawang suspek ang higit 20 sachet ng hinihinalang shabu.

Miyembro umano si Toytoy ng Commando Gang.

Sa Brgy. Tandang Sora, Quezon City, arestado rin sa buy-bust operation ang isang tricycle driver.

Nakuhaan ang lalaking suspek na dati na ring nakulong sa iligal na droga ng siyam na sachet ng hinihinalang shabu.

Mahaharap ngayon ang mga suspek sa kasong paglabag sa Comprehensive Dangerous Drugs Act of 2002.

 

 

TAGS: 3 arestado, buy bust, Commando Gang, Comprehensive Dangerous Drugs Act of 2002, manila, quezon city, shabu, 3 arestado, buy bust, Commando Gang, Comprehensive Dangerous Drugs Act of 2002, manila, quezon city, shabu

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.