Comelec naglinaw, substitution ni Cardema sa Duterte Youth partylist group hindi pa tinatanggap

By Jimmy Tamayo May 23, 2019 - 11:20 AM

Naglinaw si Commission on Elections (COMELEC) Commissioner Rowena Guanzon na hindi pa inaaprubahan ang application for substitution ng National Youth Commission (NYC) chairman Ronald Cardema.

Ipinaliwanag ni Guanzon na ang pinirmahan ni Comelec Chairman Sheriff Abas ay ang resolusyon para talakayin ang aplikasyon ni Cardema at kung kwalipikado itong maging kinatawan ng partylist group na Duterte Youth.

Ang application for substitution ay naisumite ni Cardema noong Linggo, May 12 alinsunod sa patakaran para sa substitution.

Gayunman, hindi ito natalakay dahil hindi naman regular work day ang nasabing araw.

Sa nasabing dokumento hinihiling ni Cardema na siya ang humalili sa kanyang asawa bilang first nominee ng kanilang partylist.

Gayunman, kinukuwestyon ng ilang grupo ang nasabing plano dahil nilalabag nito ang partylist law kung saan nakasaad na ang youth sector representative ay kailangang nasa pagitan ng idad na 25-30.

TAGS: Duterte Youth, party list group, substitution, Duterte Youth, party list group, substitution

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.