Mga labi ng nasawing Pinay sa Kuwait iuuwi na sa bansa ngayong araw

Pauwi na ngayong araw, Huwebes (May 23) ang mga labi ng Pinay na si Constancia Lago Dayag.

Sya ang household service worker na isinugod sa Al Sabah Hospital sa Kuwait noong May 14 pero idineklarang dead on arrival.

Ayon kay Labor Sec. Silvestre Bello III, pinagbigyan ng Ministry of Foreign affairs ng Kuwait na agad maiuwi ang mga labi ng Pinay.

Sa inisyal na findings ay nakitaan ng mga pasa sa katawan si Dayag at may indikasyon na biktima ito ng sexual abuse.

Pero sa findings ng Kuwait forensic department ay natural cause umano ang sanhi ng pagkamatay ni Dayag.

Nais ng pamilya ng Pinay na magsagawa ng 2nd autopsy ang NBI sa kaniyang mga labi.