Naalarma si Vice President Jejomar Binay sa paglobo ng bilang ng kriminalidad sa bansa.
Base sa talaan ng Philippine National Police o PNP, umabot na sa 885,000 na krimen ang naitala mula Enero hanggang Hunyo.
Mas mataas ito kumpara sa naitalang 603,000 na krimen na naitala sa parehong buwan noong 2014.
Maging ang Philippine Drug Enforcement Agency o PDEA ay nakapagtala rin ng mas mataas na kaso ng ilegal na droga.
Hamon ni Binay sa pamahalaan, gumawa ng kaukulang hakbang para matiyak ang kaligtasan ng mamamayan.
Wala aniyang saysay ang ipinagmamalaking paglago ng ekonomiya ng bansa kung hindi naman ligtas ang taong bayan.
MOST READ
LATEST STORIES