23 patay sa sunog sa isang psychiatric hospital sa Russia

Nasawi ang dalawampu’t tatlo katao habang sugatan naman ang mahigit dalawampu matapos tupukin ng apoy ang isang psychiatric hospital sa Russia.

Nagsimula ang sunog sa naturang ospital kagabi sa Southwestern region ng Voronezh.

Nabatid na nasa isandaan at apatnapu katao ang nasa loob ng ospital kabilang na ang limampung bedridden na pasyente nang mangyari ang sunog.

Ayon sa Ministry of Emergency Situations ng Russia, naapula na ang sunog at nagsasagawa na ng inspeksyon sa pinangyarihan ng sunog ang kanilang search and rescue teams.

Iniimbestigahan na rin ang naging sanhi ng naturang sunog.