P4.7M halaga ng ilegal na droga, nasabat sa Cebu City

Arestado ang dalawang babaeng suspek makaraang makuhanan ng P4.7 milyong halaga ng ilegal na droga sa ikinasang operasyon sa Cebu City, Martes ng hapon.

Nakilala ang mga suspek na sina Lolita Mosqueda, 65-anyos, at Dolores Suchisa, 38-anyos, mga residente sa Barangay Calamba sa Cebu City.

Nagkasa ng joint operation ang Police Drug Enforcement Group Visayas at Philippine Drug Enforcement Agency (PDEA) sa Central Visayas sa bahagi ng Barangay Labangon pasado 5:00 ng hapon.

Mahaharap ang dalawa sa kasong paglabasg sa Republic Act 9165 o Comprehensive Dangerous Drugs of 2002.