Kinumpirma ni Pangilinan na ipinadala na niya ang kanyang resignation letter kay Vice President Leni Robredo, na siya naman chairperson ng kanilang partido.
Ayon sa senador, inaako niya ang buong responsibilidad sa pagkatalo ng Otso Diretso sa nagdaang midterm elections.
Sinabi nito bilang campaign manager hindi niya nasiguro ang tagumpay ng Otso Diretso at aniya walang ibang responsible sa kanilang pagkatalo kundi siya kaya’t iiwanan na aniya ang pagiging pangulo ng LP epektibo sa darating na Hunyo 30.
Sina re-electionist Sen Bam Aquino at dating Sen. Mar Roxas ang nakakuha ng pinakamaraming boto sa hanay ng mga kandidato ng Otso Diretso ngunit sila ay pang-14 at pang-16 lang sa puwesto.