Panukalang bubuo sa Philippine Space Agency aprubado na sa Senado
Pasado na sa ikatlo at huling pagbasa sa Senado ang panukalang batas na layong buoin ang Philippine Space Agency (PhilSA).
Ipinanukala ni Sen. Benigno “Bam” Aquino IV, ang Senate Bill No. 1983 o ang “Act Establishing the Philippine Space Development and Utilization Policy and Creating the Philippine Space Agency”.
Ayon kay Aquino, ang paglulunsad sa isang space program ay makapagbibigay sa mga Filipino ng bago at mahahalagang pananaw na posibleng makatulong sa ilan sa pinakamalalaking problema ng bansa.
Malaki anya ang maitutulong ng satellites sa disaster management lalo na sa pagbibigay ng accurate information sa prediksyon ng sakuna at komunikasyon sa kasagsagan naman ng relief and recovery operations.
Iginiit din ni Aquino na malaki ang maitutulong ng space agency sa agrikultura, environment conservation and preservation, urban planning, transportation at communication networks.
Sakaling maging isa nang ganap na batas, bubuoin ang Philippine Space Development and Utilization Policy na magsisilbing strategic roadmap ng Pilipinas para sa space development.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.