1 patay, 15 sugatan sa bangaan ng jeep at bus sa Quezon
Patay ang isang pasahero habang sugatan ang 15 iba pa matapos bumangga ang sinasakyan nilang jeep sa isang pampasaherong bus sa bayan ng Lopez sa Quezon, Linggo ng hapon.
Binabagtas ng jeep na minamaneho ni Rey Losa ang bayan ng Lopez nang mabangga sila sa Eagle Star Bus na patungong Maynila sa Brgy. Danlagan.
Ayon kay Maj. Elizabeth Capistrano, Quezon police public information officer, sa lakas ng pagkakabangga bumaligtad pa ang jeep.
Agad isinugod sa Magsaysay Memorial Hospital at Saint Jude Hospital ang mga biktima.
Nakilala ang nasawi na si Haide Bondesto Caliso, 55 anyos.
Patuloy pa ang imbestigasyon sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.