Doktor, natagpuang patay sa banyo ng NAIA Terminal 3

By Angellic Jordan May 19, 2019 - 09:41 PM

Inquirer file photo

Natagpuang patay ang isang doktor sa banyo sa Ninoy Aquino International Airport (NAIA) Terminal 3, Linggo ng umaga.

Ayon sa Manila International Airport Authority (MIAA), nakatanggap sila ng ulat na natagpuang walang malay si Dr. Richard Alexander Diaz Pareñas sa banyo ng domestic pre-departure area pasado 8:00 ng umaga.

Si Pareñas ay nagtatrabaho bilang legal officer III ng Viga District Hospital sa Catanduanes, Bicol.

Nakatakda sanang bumiyahe si Pareñas sa Cebu Pacific flight 5J 875 patungong Davao bandang 8:30 ng umaga.

Agad rumesponde ang medical team ngunit idineklara ring patay kalaunan.

Dinala na ang mga labi ni Pareñas sa Veronica Funeral Homes.

Patuloy pa ang isinasagawang imbestigasyon sa insidente.

TAGS: Dr. Richard Alexander Diaz Pareñas, MIAA, naia terminal 3, Dr. Richard Alexander Diaz Pareñas, MIAA, naia terminal 3

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.