GSW, wagi vs Portland sa Game 3 ng NBA West finals

Nagwagi ang Golden State Warriors (GSW) kontra sa Portland Trail Blazers sa Game 3 sa iskor na 110-99.

Dahil dito, 3-0 na ang series sa Western Conference finals ng NBA.

Umarangkada sa laro si Draymond Green matapos makapagtala ng 20 points, 13 rebounds at 12 assists.

Ito na ang ikapitong career postseason triple-double ni Green.

Ayon kay Warriors coach Steve Kerr, ang nasabing Game 3 ang isa sa pinakamagandang laro ni Green.

Samantala, malaking ambag din ang 36 points ni Stephen Curry para sa Warriors.

Nakatakda naman ang Game 4 ng dalawang koponan sa araw ng Lunes (oras sa Amerika) habang araw naman ng Martes (oras sa Pilipinas).