Ilang opisyal ng MIAA at OTS inirekomendang sibakin sa pwesto
Nilinaw ni Anti-Organized Transnational Crime Division ng NBI na hindi pa sila tapos sa imbestigasyon kaugnay sa tanim-bala sa loob ng Ninoy Aquino International Airport (NAIA).
Sinabi ni AOTCD-NBI Head Manny Eduarte na kanila ring irerekomenda ang pagsibak sa ilang mataas na opisyal ng Manila International Airport Authority at Office of Transporation Security (OTS).
Nauna nang umani ng batikos sa publiko ang resulta ng imbestigasyon ng NBI makaraan nilang sabihin na walang sindikato na nasa likod ng tanim-bala sa NAIA.
Sinabi ng opisyal na ibinase nila ang kanilang rekomendasyon sa nakita nilang kapabayaan sa operasyon ng paliparan.
Ilang personalidad rin ang kasalukuyang iniimbestigahan kaugnay sa nasabing iligal na gawain na umani rin ng batikos maging sa labas ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.