Bong Revilla nasa 11th spot sa bagong Comelec partial, official tally

By: Len Montaño - 6 years ago

Nakuha na ni dating Senador Bong Revilla ang 11^th spot habang nangunguna pa rin si reelectionist Senator Cynthia Villar sa senatorial race batay sa bagong partial, official results ng Commission on Elections (Comelec).

Sa huling resulta ng Comelec Sabado ng gabi, nagtala si Revilla ng 13,873,309 votes habang si reelectionist Senator Nancy Binay ay bumaba sa 12^th spot mula 11^th spot sa botong 13,784,692.

No. 1 si Villar na may 24,199,174 votes na sinundan ni reelectionist Senator Grace Poe na may 21,183,332 votes.

Narito ang rankings ng top 12:

Cynthia Villar: 24, 199,174
Grace Poe: 21,183,332
Bong Go: 19,568,909
Pia Cayetano: 18,999,378
Ronald dela Rosa: 18,045,456
Sonny Angara: 17,442,174
Lito Lapid: 16,252,252
Imee Marcos: 15,079,596
Francis Tolentino: 14,741,637
Koko Pimentel: 13,948,863
Bong Revilla: 13,873,309
Nancy Binay: 13,784,692

Samantala, ang isa pang reelectionist na si Senator JV Ejercito ay nasa 13^th spot na may 13,677,424 votes.

Habang ang nag-iisang oposisyon na nakapasok pa sa Magic 12 na si Senator Bam Aquino ay bumagsak sa 14^th spot mula 13^th spot sa botong 13,675,820 votes.

Tapos nang bilangin ng Comelec ang 158 sa 167 certificate of canvass (COC) ng May 13 elections.