87% ng COCs, na-canvass ng Comelec hanggang Biyernes

Apat na araw makalipas ang eleksyon, nasa 87 percent o 146 mula sa 167 Certificates of Canvass (COC) ang na-canvass na ng Commission on Elections (Comelec).

Ngayong nasa 21 COC na lamang ang bibilangin, patuloy sa pangunguna si reelectionist Sen. Cynthia Villar sa senatorial race.

Dakong 7:30 Biyernes ng gabi, walong ballot boxes na naglalaman ng COCs ang dumating sa canvassing area sa PICC pero bubuksan ang mga ito pag nagpatuloy ang canvassing.

Una rito ay napuna ng ilang grupo ang umanoy discrepancies sa pagitan ng COC at statement of votes mula Budapest at Paris.

Nagsuspinde ng sesyon ang National Board of Canvassers alas 7:00 ng gabi.