Bagong mayor ng Araceli, Palawan nagwagi sa pamamagitan ng toss coin
Sa pamamagitan ng toss coin idineklarang nagwaging mayor sa bayan ng Araceli sa Palawan si Sue Cudilla.
Ipinroklama ng municipal board of canvassers si Cudilla, Biyernes (May 17) ng hapon bilang nagwaging mayor ng Araceli laban sa katunggali niya na si incumbent Mayor Noel Beronio.
Si Cudilla ang nawagi sa toss coin at nakuha ang tatlong tails sa best-of-three toss gamit ang P1 coin.
Kapwa nakakuha ng botong 3,495 sina Cudilla at Beronio sa katatapos na eleksyon.
Si Cudilla ay dati na ring naging mayor sa nasabing bayan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.