27 milyong estudyante magbabalik-eskwela sa pagbubukas ng klase sa Hunyo
Inaasahan ng Department of Education (DepEd) na aabot sa mahigit 27 milyong mag-aaral sa elementarya at high school ang magbabalik-eskwela sa pagbubukas ng school year 2019-2020.
Ayon kay DepEd Sec. Tonisito Umali maari pang madagdagan ang nasabing bilang habang papalapit ang araw ng pasukan.
Sa panayam ng Radyo Inquirer. hinikayat din ni Umali ang mga mag-aaral at mga magulang na makilahok sa Brigada Eskwela.
Ito ay upang matiyak na maayos at malinis ang lahat ng paaralan na dadatnan ng mga mag-aaral sa pagbubukas ng klase.
Una nang idineklara ng DepEd na June 3 araw ng Lunes ang pagbubukas ng klase sa lahat ng pampublikong paaralan sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.