Nakauna ng panalo ang Golden Tigresses sa tulong nina Most Valuable Player Sisi Rondina at Rookie of the Year Eya Laure sa pamamagitan ng straight-sets win sa Game 1 noong nakaraang Linggo.
Pero nakabawi ang Lady Eagles sa Game 2 bunsod ng performance ng kanilang senior trio na sina Maddie Madayag, Bea de Leon at Kat Tolentino para 4-set victory.
Dahil dito, mayroong do or die game 3 na unang pagkakataon para sa UAAP women’s volleyball Finals mula noong Season 78 kung saan tinalo ng De La Salle University Lady Spikers ang Ateneo sa final game ni Alyssa Valdez para sa Lady Eagles.
Ito na ang huling laro nina De Leon, Madayag at Rondina para sa kanilang mga unibersidad.
Parehong target ng 2 unibersidad na matapos na ang kanilang pagkasabik sa bagong titulo na huling nakamit ng Ateneo noong Season 77 habang ang UST ay noong Season 72 pa nagkaroon titulo.